Навоийда Жисмоний ва юридик шахсларнинг мурожаатлари билан ишлаш бўйича ўқув амалий-семинар ўтказилди
 
Навоий вилоят ўрта махсус, касб-ҳунар таълими бошқармаси ташаббуси билан Навоий шаҳрида  Жисмоний ва юридик шахсларнинг мурожаатлари билан ишлаш бўйича ўқув амалий-семинар ўтказилди
Семинарда Навоий вилояти адлия бошқармаси Инсон ҳуқуқларини ҳимоя қилиш бўлими бошлиғи Б.Тошев сўзга чиқиб, Ўзбекистон Республикаси Президентининг 2014 йил 3 декабрдаги «Жисмоний ва юридик шахсларнинг мурожаатлари тўғрисида”ги 378-сонли қонуннинг ҳар бир боби бўйича тушунтириб берди. Ушбу қонуннинг  31 моддасига алоҳида эътибор қаратиб, унинг мазмун моҳиятини слайдлар орқали семинар қатнашчиларига очиб берди шунингдек, ариза, шикоят ва таклифлар бўйича ҳаётий мисоллар келтириб, семинар қатнашчилари билан фикр-мулоҳазалар алмашди.
Навоий вилоят прокурорининг вояга етмаганлар ҳақидаги қонунлар ижроси устидан назорат бўйича катта ёрдамчиси адлия кичик маслаҳатчиси А.Сувонов   сўзга чиқиб, академик лицей ва касб-ҳунар коллежларда жисмоний ва юридик  шахсларнинг мурожаатлари билан ишлашда йўл қўйилаётган камчиликлар ҳақида тўхталиб ўтиб, мурожаатларни белгиланган муддатларда масъул ходимлар томонидан ижросини таъминлаш, ариза ва шикоятларни ўз вақтида „Мурожаатларни қайд этиш китобига” қайд этиб бориш ҳамда мурожаат қилган фуқароларга белгиланган муддатда жавоб хатларни юборилиши шунингдек  шикоят ва таклифлар бўйича ҳаётий мисоллар келтириб, семинар қатнашчилари билан фикр-мулоҳазалар алмашди.
  Навоий вилоят касаба уюшмалари ташкилотлар бирлашмаси юридик бўлими мудири А.Рахматов ўз маърузасида Ўзбекистон Республикаси “Жисмоний ва юридик шахсларнинг мурожаатлари тўғрисида”ги Қонунининг ҳар бир боб ва моддаларига алоҳида тўхталиб ўтди ҳамда Қонуннинг ижросини тартибга солиш бўйича Ўзбекистон Республикаси Вазирлар Маҳкамасининг  2015 йил 31 мартдаги „Давлат органлари ва давлат муассасаларида жисмоний ва юридик шахсларнинг мурожаатлари билан ишлаш тартиби тўғрисидаги Намунавий Низомни тасдиқлаш ҳақида”ги 73-сонли Қарори чиқарилганлиги айтиб, Низомнинг мазмун-моҳиятини семинар қатнашчиларига очиб берди. Шунингдек, ариза, шикоят ва таклифлар бўйича ҳаётий мисоллар келтириб, семинар қатнашчилари билан фикр-мулоҳазалар алмашди.
 
 

Ўзбекистон Республикаси Президентининг 2015 йил 18 февралдаги ПҚ-2302-сонли Қарори, Республика комиссиясининг 2015 йил 23 февралда ўтказилган 14-сон мажлиси баёни, вилоят ҳокимлигининг 2015 йил 10 мартдаги «Кексаларни эъзозлаш йили” вилоят дастурини тасдиқлаш тўғрисида”ги Қ-38-сонли қарори, Ўрта махсус, касб-ҳунар таълими марказининг 2015 йил 4 мартдаги „Кексаларни эъзозлаш йили” Давлат дастурида белгиланган вазифалар ижросини таъминлаш тўғрисида”ги 48-сонли буйруғи ҳамда Навоий вилоят ўрта махсус, касб-ҳунар таълими бошқармасининг 2015 йил 2 апрелдаги “Академик лицей ва касб-ҳунар коллежлари ўқувчилари ўртасида „Мен “Кексаларни эъзозлаш йили” Давлат дастурини қандай тушундим?” мавзусида иншолар танловини ўтказиш тўғрисида”ги114-сонли буйруғида белгиланган вазифалар ижросини таъминлаш мақсадида НДКИ қошидаги 2-сонли академик лицейида ўқувчи-ёшлари ўртасида »Мен «Кексаларни эъзозлаш йили” Давлат дастурини қандай тушундим?” мавзусида иншолар танлови ўтказилди.
Иншолар танловига вилоятдаги барча академик лицей ва касб-ҳунар коллежларида таҳсил олаётган ўқувчи-ёшлардан туман босқичида ғолибликни қўлга киритдан 1 нафардан иқтидорли ўқувчи-ёшлар иштирок этишди.
»Мен «Кексаларни эъзозлаш йили” Давлат дастурини қандай тушундим?”мавзусидаги иншолар танловида Навбаҳор иқтисодиёт ва хизмат кўрсатиш касб-ҳунар коллежи ўқувчиси 1-ўрин, НДПИ қошидаги компьютер технологиялари академик лицейи ҳамда Навоий техника-иқтисодиёт касб-ҳунар коллежи ўқувчилари 2-ўринҳамда НДПИ қошидаги академик лицей, НДКИ қошидаги 2-сонли академик лицей ва Навоий педагогика ва хизмат кўрсатиш касб-ҳунар коллежи ўқувчилари 3-ўринларни эгаллашди ва Навоий вилоят ўрта махсус, касб-ҳунар таълими бошқармасининг фахрий ёрлиқ ва эсталик совғалари билан тақдирланди.
Танловда фахрли 1-ўринни эгаллаган Навбаҳор иқтисодиёт ва хизмат кўрсатиш касб-ҳунар коллежи 1-35 гуруҳ 1-босқич ўқувчиси Аъзамова МунисаРеспублика босқичига иштирок этиш ҳуқуқига эга бўлди ва Тошкент шаҳридаги Тошкент педагогика коллежи ўтказилган иншолар танловиниг республика босқичида 4 ўринни қўлга киритди.
 
Ушбу иншолар танловини ўтказишдан мақсад ўқувчи-ёшларни Ватанга муҳаббат ва садоқат, юксак ахлоқ, меҳнатга виждонан муносабатда бўлиш рўҳида тарбиялаш, уларнинг онгини миллий қадриятлар, умуминсоний анъаналар билан бойитиш, маънавиятини юксалтириш, кекса ва ногиронларни ҳурмат қилишга ўргатиш ҳамда ёш авлод қалбида ғоявий бўшлиқ вужудга келишига йўл қўймаслик ишларини давом эттириш, Ватанимизда амалга оширилаётган улкан бунёдкорлик ишлари айниқса, таълим тизимидаги ислоҳатлар, бугунги кунда ёшлар учун яратиб берилаётган шарт-шароитлар ва имкониятлар тўғрисидаги қарашларини мустаҳкамлаш, ҳолисона фикрларини ёритишга кўмаклашиш ҳамда ўқувчи-ёшларнинг таълим-тарбияжараёнига бўлган муносабати, улардаги билим, малака ва кўникманинг шаклланганлиги ва тегишли фанларнинг ўқитилиши ва ўзлаштирилиши сифат кўрсаткичини аниқлашдан иборат.

 Жорий йилнинг 3 ноябрь куни Навоий кончилик коллежида Навоий шаҳар прокуратураси, Навоий шаҳар ИИБ ходимлари, вилоят наркология диспансери ва шаҳар ўсмирлар поликлиникаси шифокорлари иштироккида «Гиёҳвандлик умр заволи” ва „Гиёҳвандлик аср вабоси” мавзуларида тадбир ўтказилди. Ўтказилган тадбирга 180 нафар ўқувчи-ёшлар қамраб олинди.